Y Cynllun Hyfforddi ar gyfer Cymru

Cafodd y Cynllun Hyfforddi ar gyfer Cymru ei lansio ym mis Gorffennaf 2005. Mae'n rhan annatod o Dringo'n Uwch, sef Strategaeth Llywodraeth Cynulliad Cymru ar gyfer Chwaraeon, ac mae gan y cynllun ddau brif nod:

• Cynyddu nifer yr hyfforddwyr a'r arweinwyr gwirfoddol a phroffesiynol
• Gwella ansawdd hyfforddiant yng Nghymru drwy gynyddu'r cyfleoedd i hyfforddwyr gael addysg a hyfforddiant ac ennill cymwysterau.

Caiff y nodau hyn eu cyflawni drwy:

• Godi proffil hyfforddi
• Gweithredu Tystysgrif Hyfforddi y DU yng Nghymru
• Gwella addysg a hyfforddiant
• Cynyddu nifer yr hyfforddwyr sy'n gweithio mewn cymunedau
• Gwella ansawdd yr hyfforddwyr
• Cyflogi mwy o hyfforddwyr
• Cyflogi hyfforddwyr rhanbarthol i ddatblygu talent
• Darparu ysgoloriaethau ar gyfer hyfforddwyr
• Creu 'Gweledigaethau ar gyfer Hyfforddi'
• Cynyddu'r cyfleoedd i hyfforddi hyfforddwyr drwy gyfrwng y Gymraeg
• Gwella'r hyfforddiant o ran gweithgareddau awyr agored
• Creu Cofrestr o Weithwyr Proffesiynol ym maes Ymarfer Corff
• Datblygu ymhellach cyrsiau craidd ar gyfer hyfforddwyr
• Darparu cyfleoedd i ddysgu wrth hyfforddwyr tramor
• Gwneud gwelliannau pellach i'r rhaglen Coach Cymru, a ariennir gan y Loteri.